Neh 3 | Ndebele | STEP | Kwasekusukuma eEliyashibi umpristi omkhulu labafowabo abapristi , bakha isango lezimvu , balingcwelisa, bamisa izivalo zalo; ngitsho, kuze kube semphotshongweni weMeya bawungcwelisa , kuze kube semphotshongweni weHananeli .

1 Kwasekusukuma eEliyashibi umpristi omkhulu labafowabo abapristi ^a, bakha isango lezimvu ^b, balingcwelisa, bamisa izivalo zalo; ngitsho, kuze kube semphotshongweni weMeya bawungcwelisa ^c, kuze kube semphotshongweni weHananeli ^d. 2 Leceleni ^{▼▼ eceleni: Heb esandleni.} kwakhe kwakha amadoda eJeriko ^f; leceleni kwakhe kwakha uZakuri indodana kaImri ^g. 3 Lesango lenhlanzi ^h alakha amadodana kaHasenaya ⁱ; amisa imigubazi yalo ^j, amisa izivalo zalo, amabhawudo alo, leminxibo yalo ^k. 4 Leceleni kwawo kwalungisa uMeremothi ^l indodana kaUriya ^m indodana kaHakozi ⁿ; leceleni kwabo kwalungisa uMeshulamu indodana kaBerekiya ^o indodana kaMeshezabeli ^p; leceleni kwabo kwalungisa uZadoki indodana kaBahana ^q; 5 leceleni kwabo kwalungisa amaThekhowa ^r; kodwa izikhulu zabo kazilethanga intamo yazo emsebenzini weNkosi yazo ^s. 6 Lesango elidala balilungisa oJoyada ^t indodana kaPhaseya ^u loMeshulamu indodana kaBesodeya; bamisa imigubazi yalo, bamisa izivalo zalo, lamabhawudo alo, leminxibo yalo ^v. 7 Eceleni kwabo-ke kwalungisa uMelatiya umGibeyoni loJadoni umMeronothi ^w, amadoda eGibeyoni ^x laweMizipa ^y, kuze kube sesihlalweni sobukhosi sombusi wanganeno komfula ^z. 8 Eceleni kwakhe kwalungisa uUziyeli indodana kaHarihaya, wabakhandi begolide ^aa; leceleni kwakhe kwalungisa uHananiya ^ab, indodana yabenzi bamakha ^ac; batshiya iJerusalema kwaze kwaba semdulini obanzi ^ad. 9 Eceleni kwabo-ke kwalungisa uRefaya indodana kaHuri, umbusi wengxenye yesigaba seJerusalema ^ae. 10 Eceleni kwabo-ke kwalungisa uJedaya indodana kaHarumafi lamaqondana lendlu yakhe; leceleni kwakhe kwalungisa uHathushi ^af indodana kaHashabineya ^ag. 11 Isilinganiso sesibili basilungisa oMalikiya ^ah indodana kaHarimi ^ai loHashubi ^aj indodana kaPahathi-Mowabi ^ak, kanye lomphotshongo wezithando zomlilo ^al. 12 Leceleni kwakhe kwalungisa uShaluma indodana kaHaloheshi ^am, umbusi wengxenye yesigaba seJerusalema, yena lamadodakazi akhe ^an. 13 Isango lesigodi walilungisa ^ao uHanuni ^ap labahlali beHanowa ^aq; balakha, bamisa izivalo zalo, amabhawudo alo, leminxibo yalo ^ar, lezingalo eziyinkulungwane emdulini kwaze kwaba sesangweni lomquba ^as. 14 Lesango lomquba ^at walilungisa uMalikiya indodana kaRekabi ^au, umbusi wesabelo seBhethi-Hakerema ^av; walakha, wamisa izivalo zalo, amabhawudo alo, leminxibo yalo ^aw. 15 Lesango lomthombo ^ax walilungisa uShaluna indodana kaKolihoze ^ay, umbusi wesigaba seMizipa ^az; yena walakha, walifulela, wamisa izivalo zalo, amabhawudo alo, leminxibo yalo ^ba, lomduli wechibi leShela ^bb ngasesivandeni senkosi ^bc, njalo kwaze kwaba sezikhwelweni ezehla zisuka emzini kaDavida ^bd. 16 Ngemva kwakhe kwalungisa uNehemiya indodana kaAzibuki, umbusi wengxenye yesigaba seBeti-Zuri ^be, kwaze kwaba maqondana lamangcwaba kaDavida ^bf, njalo kwaze kwaba sechibini elalenziwe, njalo kwaze kwaba sendlini yamaqhawe ^bg. 17 Ngemva kwakhe kwalungisa amaLevi, uRehuma indodana kaBani ^bh; leceleni kwakhe kwalungisa uHashabhiya ^bi, umbusi wengxenye yesigaba seKeyila ^bj, esigabeni sakhe. 18 Ngemva kwakhe kwalungisa abafowabo, uBavayi indodana kaHenadadi ^bk, umbusi wengxenye yesigaba seKeyila ^bl. 19 Njalo kwalungisa eceleni kwakhe uEzeri ^bm indodana kaJeshuwa ^bn, umbusi weMizipa ^bo, esinye isilinganiso maqondana lomqanso wendlu yezikhali ^bp, engonsini ^bq. 20 Ngemva kwakhe kwalungisa ngesivuvu uBharukhi ^br indodana kaZabayi ^bs esinye isilinganiso kusukela engonsini ^bt kusiya emnyango wendlu kaEliyashibi umpristi omkhulu ^bu. 21 Ngemva kwakhe uMeremothi indodana kaUriya indodana kaHakozi ^bv walungisa esinye isilinganiso kusukela emnyango wendlu kaEliyashibi kuze kube sekucineni kwendlu kaEliyashibi ^bw. 22 Langemva kwakhe kwalungisa abapristi, amadoda endawo ezigombolozeleyo ^bx. 23 Ngemva kwakhe kwalungisa oBhenjamini ^by loHashubi maqondana lendlu yabo ^bz; ngemva kwakhe kwalungisa uAzariya ^ca indodana kaMahaseya indodana kaAnaniya duze lendlu yakhe ^cb. 24 Ngemva kwakhe uBinuwi ^cc indodana kaHenadadi ^cd walungisa esinye isilinganiso kusukela endlini kaAzariya ^ce kusiya engonsini ^cf njalo kuze kube sejikweni ^cg. 25 UPalali indodana kaUzayi, maqondana lengonsi ^ch lomphotshongo othutsha endlini yenkosi ^ci ephezulu esegumeni labalindi ^cj. Ngemva kwakhe uPhedaya ^ck indodana kaParoshi ^cl. 26 AmaNethini ^cm ayehlezi eOfeli kwaze kwaba maqondana lesango lamanzi ngasempumalanga lomphotshongo othutshayo ^cn. 27 Ngemva kwakhe abeThekhowa balungisa esinye isilinganiso maqondana lomphotshongo omkhulu othutshayo, njalo kwaze kwaba semdulini weOfeli ^co. 28 Kusukela phezu kwesango lamabhiza kwalungisa abapristi, ngulowo maqondana lendlu yakhe ^cp. 29 Ngemva kwakhe kwalungisa uZadoki indodana kaImeri maqondana lendlu yakhe ^cq. Njalo ngemva kwakhe kwalungisa uShemaya indodana kaShekaniya ^cr, umgcini wesango lempumalanga ^cs. 30 Ngemva kwakhe kwalungisa oHananiya ^ct indodana kaShelemiya ^cu loHanuni indodana yesithupha kaZalafi esinye isilinganiso ^cv. Ngemva kwakhe kwalungisa uMeshulamu indodana kaBerekiya ^cw maqondana lekamelo lakhe ^cx. 31 Ngemva kwakhe kwalungisa uMalikiya ^cy indodana yomkhandi wegolide ^cz kwaze kwaba sendlini yamaNethini ^da leyabathengi ^db maqondana lesango leMifikhadi ^dc, njalo kusiya endlini yengonsi engaphezulu. 32 Njalo phakathi laphakathi kwendlu yengonsi engaphezulu kuze kube sesangweni lezimvu ^dd kwalungisa abakhandi begolide labathengi ^de.